Rekomendasyon ni Councilor Cabanlas sa mga makalapas sa No Segregation No Collection policy, lisud alang sa CLENRO!
MAGLISUD ang City Local Environment and Natural Resources Office kon CLENRO sa rekomendasyon ni 21st City Council Majority Floor Leader Councilor Edgar Cabanlas nga gilayong dakpon ang mga individual nga masapon nga dili motuman sa No Segregation, No Collection Policy!
Tungod sa hulga sa seguridad.
Matud ni CLENRO Head Engr. Armen Cuenca nga mahimo nilang ipatuman ang nasangpit nga rekomendasyon apan ang posibilidad nga mosukol o armado ang madakpan nga individual, makalolooy ang personahe sa buhatan.
Ilabina nga sagad sa ilang personahe sa field mga babaye.
Sama na lamang sa nahitabo sa Barangay Balulang nga gikwelyohan sa usa ka pulis ang usa ka babaye nga personahe tungod sa pagpatuman sa “No Segregation, No Collection Policy”.
Rason nga mas pabor sila sa Ordinance Violation Receipt kon OVR.
“..ang Clenro lugar kibali puwede man pero ang problema dawbi og armado, dawbi musukol labi na kay ang uban raba namo nga empleyado nga nasa field mga babae pareha sa nahitabo didto sa Balulang g kwelyuhan sa usa ka pulis ang among babae nga kauban kay implement man siya sa no segregation no collection so ang basuras pulis wala gikuha kay sagol man..”
CLENRO Head Engr. Armen Cuenca
SOURCE: SH&V
Photo:CLENRO CdeO
