Congressman Suan, nakigtagbo sa DPWH-1st District nunot sa reklamo sa dalan sa Barangay Canitoan!
NAKIGTAGBO si 1st District Cagayan de Oro Representative Lordan Suan sa Department of Public Works and Highways kon DPWH-1st District!
Human nakadungog og mga reklamo kabahin sa proyekto sa dalan sa Barangay Canitoan.
Tumong sa panagtagbo nga mahatagan sa solusyon.
Matud ni Suan nga ang mabuhat sa DPWH ang paghimo og earth canal aron ma-drain ang nagpundo nga tubig.
Gibutyag usab nga i-revise sa DPWH ang plano alang sa paglakip og kabilya sa pag-semento sa dalan.
Aron bisan basa-basa pa ang ground sa pagbutang og semento, lig-on gihapon.
“…so natural ang akong gipangutana unsa may immediate nga mabuhat nato ana kay mao man kahay problema nato karon. Ang mabuhat sa DPWH kay maghimo sila og Earth Canal, mura na siya og drainage nga kinalot lang siguro na bakho para diha moagi ang tubig kanang ga pondo nga tubig ma-drain paingon na dayon na siya sa eksakto nga drainage. Kay wala man gyuy mga drainage diha sa Canitoan busa gipa udgeta og 50 million napod pero sa 2026 na siya para mabutang nag drainage kana nga dalan. Atong hinumduman ang DPWH maglisod silang bu-bu og simento kung basa ang dalan mao pod nay reason nga gakadugay siya kung basa ang dalan mura og dili maayo daw ang pagkatrabaho sa semento so basin og pangit og quality dalan nga mahimo. So ingon ang DPWH nga ila daw i-revise ang plan aron nga kaning concreting mag-include na og kabilya para maske pa og medyo basa-basa ang ground sa ilang pagbutang og kaning semento medyo lig-on pa gihapon siya…”
1st District Cagayan de Oro Representative Lordan Suan
Gihangyo usab ni Suan ang DPWH nga tabangan ang proyekto sa ciudad sa nasangpit nga Barangay.
“..in regarding ko sa City projects kay mao lagi tong akong duha mana kabuok projects sa city ug sa DPWH. Gihangyo pod nakong DPWH nga tabangi na lang po ng sa city, siguro padala og tao didto unsa ba kaha para kung dugay mahuman ang ilang project atong matabangan, magtinabangay na lang kita ani kay mao man gihapon kita ra gihapon ang apektado..”
1st District Cagayan de Oro Representative Lordan Suan
SOURCE: SHV
Photo: SR Files
