Delay nga clothing allowance ug midyear bonus sa Provincial Capitol, gikabalak-an sa pipila ka empleyado; samtang Ladaga mihatag og katin-awan!
PIPILA ka empleyado sa Provincial Capitol ang nabalaka sa delay nga clothing allowance ug midyear bonus!
Ilawom sa Memorandum No. 1265-2025 dated May 20, gitugutan sa provincial government ang pagpagawas sa 2025 clothing allowance.
Alang sa permanent ug casual employees.
Makadawat ang male employees og 2,650 pesos samtang female employees makadawat og 2,600 pesos.
Apan usa ka casual employee ang nagbutyag nga wala kini makadawat og clothing allowance as of June 18.
Dugang sa kabalaka ang pagkadelatar sa midyear bonus, nga ilawom sa Memorandum No. 1067-2025, kinahanglang mapagawas kini dili molapas sa Mayo 15.
Samtang, gitubag kini ni Provincial Administrator John Venice Ladaga via off record interview sa Strong Radio.
Matud ni Ladaga nga padayon pa ang proseso sa pag-release sa clothing allowance.
Gi-angkon usab sa opisyal nga adunay pipila na ang nahatagan sa nasangpit nga allowance ug mid year bonus.
Gipasalig ni Ladaga nga ma-release ang nasangpit nga allowance sa dili madugay.
SOURCE: SB
Photo: Wikimedia.org
