Mga City Scholar nga mabagsak, langkaton!

LANGKATON ang mga City Scholar nga mabagsak!
Kini ang gibutyag ni City Mayor Rolando “Klarex” Uy.
Matud ni Uy nga bisan usa lamang ka subject ang mabagsak automatic kini nga malangkat.
Nagtinguha nga mahatagan og kahigayonan ang uban nga buot mosulod isip scholar.

“…Sama sa mga scholar naa man tay kontrata sa scholar padayon mo mga scholar kay anaa man sa atong kasabutan nga mag padayun mo sa inyong scholarship program, apan inig hagbong lang bisag usa lang ka subject mangayo pud ko ug pasaylo aron pag hatag pud ug kahigayonan sa uban nga nag hulat nga gusto mo pa himulos sa atong programa. Kanang kalouy kanunay kana na nagpabilin apan nawala ang kalouy tungod kay kamo rasab ang makatubag nganong mawala ang akong kalouy. Naa tanan ang pagtubag sa inyong mga nahimo dili maayo sab nga kanunay kong magpakita ug kalouy ug pagtabang nga dili pud mo makatilaw nga aduna pud koy daotan nga batasan ug kina-iya sa mga daotan nga mga batasan aron maka amgo mo…”
City Mayor Rolando “Klarex” Uy.

SOURCE: CIO
Photo Source: CDO City Scholarships Office FB