Paghatod sa mga notices sa property assessment, gitakdang sugdan sa City Assessment Department Hunyo 2!

GITAKDANG sugdan karong Hunyo 2 sa City Assessment Department ang paghatud sa mga notices sa property assessment!
Alang sa mga residente sa Cagayan de Oro nga nanag-iya og kabtangan sa yuta, makinarya ug gambalay.
Matud ni City Assessor Atinodoro Asequia nga epekto kini sa gipahigayon nga general revision of real properties sa ciudad nga ipatuman 2026.
Pinasikad sa nalatid sa City Ordinance No. 14900-2024 o Revised schedule of market values of real property sa CDO.

“..nanag iya og real properties sa atong dakbayan sugod karon sunod semana Hunyo 2 2025, ang atong buhatan sa City Assessment Department magsugod na sa paghatod o pag-deliver sa owners copy sa mga tax declaration kauban niini niya ang notice of assessment, epekto ni sa atong gipahigayon nga General Revision of Real Properties sa dakbayan sa Cagayan de Oro..”
Cagayan de Oro City Assessor Atinodoro Asequia

Hisayran nga 350-mil ka notices ang gitakdang ihatud.

SOURCE: CIO
Photo: Cagayan de Oro City Information Office