Sugyot sa US nga ceasefire alang sa Gaza, gi-uyonan sa Israel!
MI-UYON ang Israel sa sugyot sa US nga ceasefire alang sa Gaza!
Samtang gi-repaso pa sa Hamas ang plano bisan wala mahaom ang terms sa demands sa grupo.
Gi-report sa Israeli media nga gisultihan ni Prime Minister Benjamin Netanyahu ang pamilya sa hostages nga gihuptan sa Gaza nga gidawat sa nasud ang kasabutan nga gi-presentar ni US President Donald Trump Middle East envoy Steve Witkoff.
Hinuon, wala gikumpirmar sa opisina ni Netanyahu ang report apan gibutyag ni White House Spokeswoman Karoline Leavitt nga mipirma ang Israel sa proposal.
Gibutyag sa Palestinian militant group Hamas nga gitun-an pa ang sugyot ug matud ni Hamas official Sami Abu Zuhri nga gi-diskusyunan pa sa grupo ang nasangpit nga hisgutanan.
SOURCE: Reuters
Photo: Sky News
