Duha ka managlahing disgrasya natala sa Misamis Oriental niadtong weekend!

DUHA ka managlahing disgrasya ang natala sa Misamis Oriental niadtong weekend!
Unang insidente nahitabo sa Barangay Gimaylan Libertad Misamis Oriental, diin usa ka sundalo ang dead on arrival.
Human head on nga mibangga ang gimanehong motorsiklo sa usa ka sakyanan.
Base sa report nga mi-overtake ang sakyanan sa lane sa motorsiklo hinungdan sa head-on nga panagbangga.
Milagpot ang biktima ingon man ang motorsiklo.
Gilayong gidala ang biktima sa balay-tambalanan apan gideklarar nga dead on arrival.
Matud ni Libertad Municipal Police Station Investigator On-Case Police Master Sergeant Delmar Paculba nga posibleng mag-atubang ang driver sa sakyanan og reckless imprudence resulting to homicide.

“..Ang isa ka sakyanan ni overtake sa isa ka sakyanan ang katong isa then kaning toyota ni overtake pud siya atong ni overtake. Bali gi occupy niya ang 2nd lane sa opposite lane, pag overtake niya gi occupy ang opposite lane sa 2nd lane mao to nga wala nag dahom si sarhento nga ang vehicle 1 mao to nga kalit kaayo nag bangga gyud sila. head on gyud sila..”
Libertad Municipal Police Station Investigator On-Case Police Master Sergeant Delmar Paculba

Samtang, patay ang usa ka motorsiklista sa Zone 7, Molugan, El Salvador City, Misamis Oriental.
Human mibangga sa government vehicle nga gimaneho sa usa ka aktibong sundalo.
Biktima giila nga si Tejie Ebajay Ebal, 23-anyos, menyo ug residente sa Zone 13, Molugan, El Salvador City samtang giila ang driver sa sakyanan nga si PFC John Gil Ayonto Bolay, 27-anyos, menyo ug residente sa Auro Zamboanga, Del Sur.
Base sa imbestigasyon nga managlahi ang direksyon sa duha ka vehicle, pag-abot sa lugar sa insidente, mi-overtake ang motorsiklo sa gisundan nga bao-bao ug mitabok sa pikas lane, rason nga head-on nga mibangga sa sakyanan.
Naka-angkon ang biktima og pipila ka injuries.
Matud ni El Salvador City Police Station Investigator On-Case Police Corporal Arnaldo Galagnara Jr., nga nadala sa clinic ang biktima apan gideklarar nga dead on arrival.

“..Kaning usa ka pick-up nag agi sa inner lane paingon og Cagayan de Oro, while kaning motor single ga agi sa inner lane pud paingon og Iligan, so maong panghitaboa pag inbistiga nako base sa witness among na interview, nga kining single motorcycle allegedly gi overtake ni siya sa katong bao-bao tricab nya ga agi pud sa inner lane nga pag overtake niya niliko siya sa opposite lane ug ni bangga head-on sa pick-up pagka hitabo sa insidente nga naka angkon siyag severe injury ang driver sa motor ug karun ang driver sa pick-up naa karun sa police custody sa El Salvador police..”
El Salvador City Police Station Investigator On-Case Police Corporal Arnaldo Galagnara Jr.

SOURCE: SRLIVE
Photo: CTTO