Usa ka mananagat sa Magsaysay, Misamis Oriental, gipusil-patay kagabii!Pagsaulog sa Semana Santa 2025 sa dakbayan, generally peaceful!
GIPUSIL-PATAY sa wala mailang suspek ang usa ka mananagat sa Purok-2, San Isidro, Magsaysay, Misamis Oriental kagabii!
Naila ang biktima nga si Allan Carmelotes Maestrado Sr., 51 anyos, menyo, residente sa susamang lugar.
Matud ni Magsaysay Police Station Investigator Police Master Sergeant Almero Vinco nga samtang naglingkod sa balcony sa ilang panimalay ang biktima kalit lamang mi-abot ang wala mailang gunman ug gipsuil sa ikatulong higayon sa tiyan gamit ang 9mm caliber pistol.
Human sa pagpamusil daling misibat ang suspek.
Samtang ang biktima gidala sa Magsaysay Misamis Oriental Provincial Hospital ug gi-referred sa usa ka pribadong hospital ning ciudad.
Nagpadayon ang imbestigasyon sa kapolisan sa pag-ila sa suspek ug pag-beripika sa giingong away sa luna ang motibo sa pagpamusil.
“..Karun pami maka storya kung unsay motibo, ang ilang ingon didto parte daw sa yuta daw, away yuta. Patay gyud ang victim, mag fallow up mi karun kay adtoon namo ang mga witness didto, among conduct-kan gyapon ug follow up investigation…”
Magsaysay Police Station Investigator Police Master Sergeant Almero Vinco
SOURCE: #28
Photo: Magsaysay MPS
