Panagbangga tali motorsiklo ug truck sa Lanao del Norte, tulo ka pulis patay!
MIBANGGA-PATAY ang tulo ka myembro sa Philippine National Police kon PNP, diin duha nadestino sa Lanao del Norte Provincial Police Office samtang ang usa nadestino sa Tagoloan Lanao del Norte Police Office!
Human mibangga ang gisakyang motor sa usa ka trailer truck sa Purok 2, Brgy. Pigcarangan, Tubod, Lanao del Norte.
Mihangyo ang pamilya sa mga biktima nga dili ibutyag ang pangalan apan gilangkoban kini sa tulo ka Police Corporal nga nagpangidaron og 29, 31 ug 33-anyos, susamang mga lalaki ug residente sa Lanao del Norte samtang ang driver sa truck 62-anyos.
Base sa inisyal nga imbestigasyon paingon sa Pigcarangan ang mga biktima samtang paingon sa Pagadian ang trailer truck nga adunay kargang furniture.
Giingong kurbadahon ug pabahada ang dalan.
Matud ni Police Regional Office kon PRO-10 Spokesperson Police Major Joann Navarro nga nadala sa balay-tambalanan ang mga biktima apan gideklarar nga dead on arrival.
Samtang, nakakustodiya na ang driver sa truck sa Police Station human giingong desidido ang pamilya sa mga biktima nga mopasaka og kaso.
“..base sa inisyal na investigation na gihimo sa atong kapulisan, ang motorsiklo nga gisakyan sa mga police officer nibangga kini sa usa ka trailer truck, kini sila nagtagbo, area kung asa nahitabo kining paliko na dalan na palugsong so didto nahitabo ang ma panagbangga nga miresulta gayud sa kabsan sa kinabuhi sa tulo ka PNP personnel, ang kining trailer truck which ang iyang direksiyon is coming from Tagoloan Misamis Oriental paingong sa Pagadian diin mag-deliver siya og mga furniture, kining mga furniture naka sulod sa maong trailer truck, sa pagkakaroon tungod kay pursigidong mo-file og kasong criminal ang pamilya sa mga namatyan, ang maong driver sa trailer truck is under custody, a filing of reckless imprudence resulting in multiple homicide sa maong mga insidente…”
PRO-10 Spokesperson Police Major Joann Navarro
SOURCE:SRLIVE
Photo: Ctto
