48 anyos nga motorsiklista nabanggaan sa laing motorsiklo sa Manticao Misamis Oriental!
NABANGGAAN-PATAY sa motorsiklo ang 48 anyos nga motorsiklistang lalaki sa Purok 7, Brgy. Poblacion, Manticao, Misamis Oriental!
Naila ang biktima nga si Panataon Parapaudac taga Balo-i Lanao del Norte samtang ang driver nga nakabangga naila nga si Jaspher Bagiuo Dagondon, 19 anyos, taga Tudela Misamis Occidental.
Matud ni Manticao Municipal Police Station Investigator on Case Police Master Sergeant James Paul Cagalitan nga susamang ang direksyon sa duha ka motorsiklo nga gikan og Iligan City paingon sa Cagayan de Oro.
Saysay sa nakabangga nga misulay kini sa mo-overtake kini sa motorsiklo nga gimaneho sa biktima.
Apan sa pagbalik niini og tan-aw sa dalan gikan naglantaw sa sidemirror, nabanggaan ang biktima.
Hinungdan nga milagpot og naka-angkon sa samad sa ulo.
Base sa bystander sa lugar nga wala mag-helmet ang biktima.
“..Pareho sila gikan sa Iligan City padulong Cagayan de Oro City. Nag sunod ning honda Beat sa click nga 125, na banggan niya ang likod mao to na out of balance ang honda click dayun wala ra gyud niya na pugngi ang manobela, mao tong na disgrasya siya, na lupad kibali siya sa iyang motor. ang iyang na una ang iyang ulo nakakuha kini siyag serious head injury, mao to nga sa pag abot nato sa nahitaboan, gi dali nato ug tawag ang Attention sa atoang CDRRMO Rescue Manticao para ma assist iyang injury ug ma dala siya sa hospital, ug pag abot sa hospital atong attending physician nga on duty, declare niya nga DOA. Atoang na hinabi ang mga bystanders nga naa didto, ang kiniang driver biktima wala gyud siya naka helmet, mao ning nagka cause gyud siyag head injury. Mo overtake siya aning iyang na banggaan, so tan aw siya sa iyang side mirror para makita iyang likod kung naa bay approaching nga sakyanan ug pag balik niya sa iyang atubang mao tong na banggaan na niya ang biktima…”
Manticao Municipal Police Station Investigator on Case Police Master Sergeant James Paul Cagalitan
SOURCE: P.I/#27
Photo: Wikipedia
