LeBron James pinaka-una nga atleta’ng lalaki nga gihimoan og Ken doll!
PINAKA-UNANG lalaki nga atleta si LeBron James nga gihimuan og Ken doll!
Hulagway sa LeBron doll, nagsuot og sunglasses, headphones ug blue-and-white letterman’s jacket nga adunay “LJ” sa wala nga dughan, number 23 sa tuo nga sleeve ug Ohio ug crown patches sa laing side.
Nakabutang usab sa likod ang pangalan nga LeBron ug ubos niini ang “Just a kid from Akron”.
Matud ni Krista Berger, ang Mattel’s Senior Vice President sa Barbie nga excited silang ipakita sa fans ang bag-ong presentasyon sa Ken nga nagsaulog kang LeBron isip usa ka role model, icon status, malungtaron nga epekto sa kultura ug dedikasyon sa paghimo’g positibo nga ehemplo sa mosunod nga henerasyon.
Aron makab-ot ang ilang walay limit nga potensyal.
Samtang sa unang higayon nga nakita ni James ang doll, gi-aprobahan kini sa “King” og balik-balik nga gitawag ang doll nga “dope” o laing termino sa “cool”.
Mo-abot og 75 dollars ang kantidad sa doll.
SOURCE: INQ/BBC
Photo Source: PEOPLE
