COMELEC nagpagawas na og show cause order batok Misamis Oriental Gubernatorial bet Unabia;Unabia ilakip na ang mga lalaki sa i-hire nga scholars sa nursing!

NAGPAGAWAS na ang Commission on Elections kon COMELEC on show cause order batok Misamis Oriental Gubernatorial bet Peter Unabia!
Aron ipa-explain kalabot sa giingong pagbiay-biay o misogynistic nursing scholarship joke.
Sa gipahigayong campaign rally niadtong Abril 3.
Samtang, gi-usab ni Unabia ang i-hire nga mga scholars sa nurses.
Matud ni Unabia nga ilakip na niini ang mga lalaki.

“..ang ika upat nato education dinhi ko na issue na pod, ako nang gi-usab nga akong i-hire nga mga nurses, mga scholars dili na babae apilon nako ang lalaki, apilon na nato, lalaki man gyud ko munang ang akong isulti gwapa, kay kung musulti kog gwapo unsa na poy marites ninyo, nga akong gusto gwapo na pod, ayaw kinahanglang ibalanse nato but reality, sige kana bang realidad gyud, kung lalaki mo parehas sa ako, pagtanaw pa lang sa HR sa ospital di ka na pasudlon, pahawaon kana, isa mana sa kinanglang pleasing personality ta..”
Misamis Oriental Governor Peter Unabia

Binuang lamang ang nahimong pamahayag atol sa rally kalabot sa nursing profession.
Tungod sobra upat ka oras na naglingkod ang katawhan sa proclamation rally.

“..binuang nato siya, remember ang akong time sa pagsulti during proclamation rallies, alas-nuwebe sa gabii. ang mga tao sa alas-kuwatro, alas-singko alas-sais, alas-siyete, alas-nuwebe, upat ka oras naglingkod kinahanglan ato na siyang pukawon, isa sa pamaaging nga pagpukaw pakitaan natog mga dancers nga sexy kaayo, duna poy issue na..”
Misamis Oriental Governor Peter Unabia

SOURCE: Mis Or FB
Photo: ABS CBN News