Inflation rate sa Pilipinas niadtong Marso 2025, mikunhod!
NAGPADAYON ang pag-ubos sa inflation rate sa Pilipinas sa Marso 2025!
Kini ang ikaduhang sunod-sunod nga bulan sa pagkunhod.
Human mitala sa 1.8 percent sa nasangpit nga bulan.
Mas ubos kini sa 2.1 percent inflation rate niadtong Pebrero.
Ang inflation sa Marso ang pinaka-mubo nga inflation rate sa dul-an lima ka tuig human sa 1.6 percent Mayo 2020.
Matud ni PSA chief and National Statistician Claire Dennis Mapa nga ang nag-unang rason sa ubos nga inflation sa Marso ang hinay nga pagsaka sa presyo sa Food and Non-Alcoholic Beverages nga anaa sa 2.2 percent gikan sa 2.6 percent.
SOURCE: GMA NEWS
Photo Source: IBON
