Police Station 2 Cogon aduna na’y person of interest sa pagpusil-patay sa usa ka lalaki sa Brgy. Camaman-an ning ciudad!
ADUNA na’y person of interest ang kapolisan sa Police Station 2 Cogon sa pagpusil-patay sa usa ka lalaki sa Barangay Camaman-an ning ciudad kaganihang kadlawon!
Ang biktima naila nga si Henry Mendoza Pimentel, 43 anyos, adunay kaipon, taga Upper Tambo Barangay Macasandig ug usa ka assest sa Cagayan de Oro City Police Office kon COCPO.
Matud ni Police Station 2 Cogon Commander Police Major Sabino Labitad nga prior sa pagpamusil adunay commotion nga nahitabo tali sa biktima ug sa suspect.
Base sa inisyal nga ilang nakita sa area adunay samad-pinusilan sa dughan ug tiyan ang biktima gamit ang kalibre 38 nga armas.
Gitutukan karon sa kapolisan nga posibleng droga ang motibo sa pagpamusil.
Kamulo karon ang back-tracking sa CCTV camera sa area aron mapiho ang suspek nga naka-motorsiklo.
Una nang nagpa-blotter sa Police Station 9 Nazareth ang biktima human nakadawat og hulga sa iyang kinabuhi.
“…Ang atong biktima mao ni si Henry Mendoza Pimentel 43 anyos taga Upper Tambong Macasandig. Kaning atong biktima naka pa record ni didto sa station 9 mga 3 weeks ago kay ah adunay pag hadlok sa iyang kaugalingon. Matud pa niya aduna giadtoan siya sa ilang balay naka motor, na identify niya ang katong motor, siguro naa tay makita nga person of interest. Didto sa imbestigation ang biktima naa siyay tama upat ka bala, dayun aduna tay na recover sa area na 3 kabuok bullets isa ka caliber 38. Mao sad ang motorcycle sa atong biktima so mao sad na atong gi tutokan atong gi tan’aw karun kung ilaha ba tong motorcylce kay ang nakita didto sa iyang u-box dili iyang pangalan man gud, dunay lisensya didto ug duna po’y OR CR. Mao ni atong gi atong gi tutokan karun. Matud pa ang kaning biktima usa ka asset, usa ka informant sa Cagayan de oro City Police Office. Also among gi tan’aw karun,ang among gi tutokan possible sa drugs dayun ah mao na among gi tan’aw karun possible sa drugs…”
Police Station 2 Cogon Commander Police Major Sabino Labitad
SOURCE: SR LIVE
Photo: SR Files
