Prosekusyon ug defense team sa kaso ni FPRRD, gimandoan sa ICC nga magsumiter og dokumento sa Abril!
GIMANDOAN sa Pre-Trial Chamber I sa International Criminal Court kon ICC ang prosekusyon ug defense team sa kaso ni former President Rodrigo Duterte nga ibutyag ang ebidensya sunod bulan!
Sa dili pa ang schedule sa confirmation of charges hearing sa Setyembre.
Sa order nga pinetsyahan Marso 21, gimando sa Pre-Trial Chamber sa prosekusyon ug defense nga ibutyag ang kantidad ug klase sa ebidensya nga planong i-presenta kauban ang gitakda nga timeline.
Gimandoan ang prosecution nga magsumiter Abril 4, 2025 og impormasyon sa gidaghanon sa written pieces sa evidence, kung kini nagtinguha nga magsalig sa ubang non-written pieces sa documentary evidence ug pila ka witnesses ug witness statements ang i-provide ug uban pa.
Gitahasan usab nga i-presentar kung gi-unsa paghangyo sa mga lakang sa pagpanlipod alang sa potential witnesses, ug kung magpadayon sa imbestigasyon kabahin kang Dutete ug unsay epekto sa proseso sa pagbutyag.
Samtang, alang sa team ni Duterte, hangtud Abril 11, 2025 lamang ang pag-submiter sa ilang obserbasyon sa impormastion nga i-sumiter sa prosecution.
Tubagon usab nila kung mo-presentar ba sila og ebidensya ug motawag sa kaugalingong witnesses atol sa confirmation hearing.
Sa partisopasyon sa mga biktima, gihatagan lamang sa ICC ang Registry og hangtud Abril 2, 2025.
Aron magduso sa ilang observations kalabot sa aplikasyon sa biktima nga mopartisipar.
Lakip ang proseso sa admission, pagpamatuod sa mga dokumento sa identity, legal representation sa present proceedings.
SOURCE: GMA NEWS
Photo: Rappler
