IRR sa VAT refund rules, gi-welcome sa PRA!

GI-WELCOME sa Philippine Retailers Association ang gipagawas nga draft sa Implementing Rules and Regulations kon IRR sa bag-ong Value-Added Tax kon VAT refund rules!
Nagtinguha ang lakang sa pagpatuman sa refund process sa foreign tourist ug paghimo sa pag-shopping sa Pilipinas nga mas attractive itandi sa silingang nasud nga adunay susamang VAT refund schemes.
Matud ni PRA President Roberto Claudio nga daghang turista ang ma-aghat nga mag-shopping sa Pilipinas.
Gi-aghat ni Claudio ang gobyerno nga sigurohong smooth ang pagpatuman sama sa klarong guidelines alang sa retailers ug consumer, aron ma-maximize ang benipisyo sa programa.
Dumduman nga gipagawas sa Department of Finance ang draft sa IRR niadtong Marso 12, naglangkob sa initial guidelines ug standards sa planong VAT Refund System kon VRS.
Ilawom sa draft IRR, mahimong mo-qualify ang turista sa VAT refund sa napalit nga goods kung ang items napalit in person gikan sa accredited stores.

SOURCE: INQUIRER NET
Photo: Philippine Star