Duha ka pasahero sa multicab nga nabanggaan sa army truck sa Laguindingan Misamis Oriental, patay!
PATAY ang duha ka pasahero sa multicab human mabanggaan sa sakyanan sa Philippine Army sa National Highway, Zone 2, Barangay Poblacion , Laguindingan, Misamis Oriental!
Biktima patay naila silang Danilo Taping Garcia, 54-anyos ug Anecita Taping Garcia ug laing samaran nga sakay sa multicab silang Maricel Taping Baculio, Kristel Ann Baculio, Jasmine Kylie Montepulca ug Teresita Garcia nga susamang residente sa Cagayan de Oro City, samtang giila ang driver nga si Rio Obliosca Blanela, 66 -anyos ,menyo.
Giila ang sakay sa army truck nga silang Private First Class Normelito Sabanal Banticil, PFC Chris John Manulat Libre, ug Geremeo Gojar Vallecera IV samtang giila ang driver nga si Elvis Dandan Rivas, 34-anyos, menyo, myembro sa Philippine Army nga na-assign sa Malagutay, Zamboanga Del Norte ug residente Barangay Julio Ouano, Alegria Surigao Del Norte.
Base sa inisyal nga imbestigasyon nga managlahi og direksyon ang duha ka sakyanan pag-abot sa lugar sa nahitaboan, nag-left turn ang multicab samtang naka-green signal ang traffic light samtang gi-disregard sa Vehichle 1 (Philippine Army) ang traffic control signal taliwala nga naka-red signal rason nga aksidenteng nabanggaan ang Vehicle 2
Gilayong gidala ang mga biktima sa balay-tambalanan.
Matud ni Laguindingan Municipal Police Station Traffic Investigator On-case Police Corporal Sammy Jabutay nga kusog ang dagan sa Vehicle 1 rason nga grabe ang impact.
“..kaning Isuzu truck gikan ni sa iligan padulong sa Cagayan unta kani pong multicab gikan ni siya sa Alubijid padulong sa Laguindingan pag abot sa traffic light, ni hunong ang multicab then nag Go naman ang signal sa iyang left side, mao tong ni left turn dayun siya kay go naman ang traffic light then duol maning Isuzu truck convoy ni sila then ni abot ang traffic light nga stop mao tong ni lahos lang gihapon siya kay waman siya ka bantay nga ning red na, then ni lusot na pud tong ang multicab maong na banggaan sa truck ning multicab then ang mga pasahero nanga labay gyud, na lagpot didto sa dalan, kusog gyud ang dagan sa Isuzu truck.”
Laguindingan Municipal Police Station Traffic Investigator On-case Police Corporal Sammy Jabutay.
SOURCE: #19
Photo: CTTO
