Tungod sa halapad nga blackout sa Chile, state of emergency gideklarar!
NAGDEKLARAR og state of emergency ang Presidente sa Chile!
Human sa halapad nga blackout sa nasud.
Nunot sa pagsaka sa temperatura alayon sa summer season.
Matud ni President Gabriel Boric nga ubay-ubay ka panimalay ang apektado sa blackout.
Gibutyag sa National Disaster Prevention and Response Service nga 14 sa 16 ka rehiyon ang apektado sa blackout nga nagsugod niadtong Martes.
Samtang, pagpasabot sa National Electrical Coordinator nga ang taas nga voltage backbone sa transmission line, nga nagdala og supply sa kuryente gikan sa Northern Chile paingon sa Santiago, ang na-disrupt nga hinungdan sa pagkawala sa kuryente.
Wala gibutyag ang hinungdan sa disruption apan kasamtangan kini’ng gi-imbestigaran sa tinugyanang ahensya.
SOURCE: CNN NEWS
Photo: CNN
