Babaye dead on Arrival human mabangga-i ang gisakyang baobao sa Brgy. Bugo ning ciudad!; Delivery boy, patay human nabanggaan sa Brgy. Gusa ning ciudad!
Dead on arrival NMMC ang usa ka babaye samtang tulo ang samaran human mabangga-i ang gisakyang Bao-Bao sa usa ka L300 Van sa Brgy. Bugo ning ciudad!
Naila ang namatay nga si Apple Saberon samtang ang samaran bana niining si Rene Saberon, driver sa Bao-Bao, igsuon ni Apple nga si Alexis Pesara ug pag-umangkon niini nga si Chanchan Abog.
Matud ni Alex Abug nga naka-angkon sa bali sa kalawasan ang igsuon niining namatay ug samad usab sa kalawasan ang naangkon sa tulo (3) pa ka laing biktima.
“..pag abot nako didto wala naman nakasakay naman sa ambulance. Gikan daw sila sa carmen nag bonding-bonding dayun nanguli hinay-hinay lang ilang dagan gibangga-an sila sa l300 sa pinaka-kilid gi-tuyo gyud sila’g bangga gyud..”
Alex Abug, igsu-on sa babaye’ng namatay
PATAY ang usa ka delivery boy sa natigayo’ng panagbangga tali sa Gusa liner ug Balingasag Misamis Oriental Ambulance sa National Highway sa Brgy. Gusa ning ciudad!
Giila ang biktima nga si Frelan Ello residente sa Brgy. Kinawe, Libona, Bukidnon.
Subay sa report nga nadamay lamang ang maong delivery rider.
Naka-standby lamang ang delivery rider sa daplin nga bahin apan kalit lamang kini’ng nabanggaan sa ambulansya human kini milagpot gumikan usab sa panagbangga niini sa jeep.
Matud ni RTA-Spokesperson James Andrade nga susamang naglisud ang duruha ka drayber sa pag-control sa jeep ug sa ambulansya tungod kusog ang dagan sa duruha.
“..subli sa atoang initial report nga nakuha gikan sa atoang kapulisan nga nakuha sa traffic unit nga naa daw nakab-san sa kinabuhi nga allegedly nga musubay unta kaning usa nato ka Gusa liner diha sa Gusa old road while naa siya nagsubay sa old road going siya pasulod naa dayu’y ambulance nga kusog while maneuvering na lost control siya sa iyang maneuver so unfortunately napadulong siya sa side walk sa kilid nga pagkabangga niya nabangga-an pa gyud ang usa ka rider nga nag standby sa may area kung wala ko masayop maxim rider to siya..”
RTA-Spokesperson James Andrade
Published by Jam Saba
