Balor 281.5 million pesos, nabayran sa PDIC sa deposit insurance sa mga bangko nga gipasirad-an sa BSP niadtong 2024!
MOKABAT sa 281.5 million pesos ang nabayran sa Philippine Deposit Insurance Corporation kon PDIC sa deposit insurance sa depositors sa banko nga gipasirad-an sa Monetary Board sa Bangko Sentral ng Pilipinas kon BSP niadtong 2024.
Base sa statement sa PDIC nga ang nasangpit nga mga bangko ana-a na ilawom sa ilang liquidation.
Matud sa bank deposits insurer nga ang kantidad sa deposit insurance claims nahimo sa 7,482 ka deposit accounts, nga nag-account og 81 porsyento sa kinatibuk-ang 9, 231 ka accounts sa bangko ilawom sa liquidation.
Gidugang pa nga 281.5 million pesos settled deposit insurance claims nag-account og 94 porsyento sa 298.6 million pesos nga gibana-banang insured deposits sa tulo ka bangko nga gipasirad-an.
SOURCE: GMA NEWS
Photo: MSN
