Damyos sa nahitabong sunog sa Barangay Carmen kagabii, kapin kon kulang 1.1 million pesos!

KAPIN kon kulang 1.1 million pesos ang damyos sa nahitabong sunog sa V. Castro St. Barangay Carmen ning ciudad kagabii!
Gilangkoban sa tulo ka panimalay, ug usa ka boarding house, ug usa ka patigayon nga partially damage.
Gipanag-iyahan ang panimalay sa pamilyang Villareal, Marcaida, Navarro, ug Bunayog.
Giisa ang fire alarm status sa 3rd alarm.
Matud ni Carmen Fire Station Commander Fire Senior Inspector Kyle Bryan Lauzon nga imbestigaran sa otoridad ang giingong kandila nga hinungdan sa kalayo.

“..So na tay estimated damage na 1,130,000 then ang partially kay kani atong hardware diri tapos na tay totally gated na tulo ka balay ug isa ka boarding house. Sa responde nato, 14 kabuok firetruck napulo sa BFP upat sa volunteer nato. dili nato ni e roll out na angle but under investigation paman ta karon So dili pako maka hatag ug concrete niya nga answer as to that nga question…”
Carmen Fire Station Commander Fire Senior Inspector Kyle Bryan Lauzon

Samtang, base sa datos nga gihuptan sa Carmen District 1-A City Social Welfare, nga upat ka houseowners ang apektado ug siyam (9) ang renter individuals.
Kasamtangang gipahimutang ang mga biktima sa Macanhan.
Matud ni Carmen District 1-A City Social Welfare Focal Person Keith Jalapadan nga adunay upat (4) ang nahatagan og medical assistance tungod sa na-angkon nga injury ug pagsaka sa blood pressure.

“..For now, naa tay 4 ka-house owners, then walo kabuok renters po. 8 individual. Tulo ka-balay naay mga renters. Actually naay mga 3 or 4 ka-buok na-injured, naa toy first, kaganiha senior citizen, and then there is mga ordinary citizens. Mostly,first aid, and other kato lang pa-check-up, naay uban dayun nga naay wound..”
Carmen District 1-A City Social Welfare Focal Person Keith Jalapadan

SOURCE: SRLIVE
Photo: SR Files