Striktong pagpahigayon og road clearing, pahugtan sa NMMC tungod sa mga badlongon nga sidewalk vendors!

SUGDAN sa Night Market Management Committee kon NMMC ang striktong pagpahigayon og road clearing sa mga kadalanan ugmang adlawa!
Nunot sa padayong problema sa bug-at nga trapiko sa ciudad partikular sa nasangpit nga lugar.
Matud ni NMMC Co-Chair Atty. Edgardo “Egay” Uy nga pipila sa mga sidewalk vendors ang dili gasunod sa patakaran sa pagpamaligya sa Cogon Market.
Adunay uban sa dalan na mamaligya ug dili sa gi-alokar nga lugar sa NMMC.
Gidugang ni Uy nga magmagahi ang mga vendor wala silay mahimo kung dili ipakumpiskar nila sa Roads Traffic Administration kon RTA ang ilang mga baligya.

‘…gihimu namo to kay among gipahibalo ang mga vendors sa atong Cogon Market no, kanang nakapalibot diha nga dalan kay namatikdan man gud nato nga nana sila sa dalan, dili na gyud tong lugar nga gi-allocate sa ila sa night market so ato silang gisuroyan ato silang gipahibalo nga sugod ugma striktohon na namo ang pag clearing sa dalan…”
NMMC Co-Chair Atty. Edgardo “Egay” Uy.

SOURCE:P.I/#8
Photo Source: Metro CDO