35 pesos matag kilo sa bugas, mapalit sa mga konsyumante human sa deklarasyon sa food emergency sa bugas!
MAKAPALIT ang konsumante og bugas nga 35 pesos matag kilo!
Human sa deklarasyon sa food emergency sa bugas.
Matud ni NFA Department Manager Roy Untiveros nga ipagawas sa ahensya ang stocks sa well-milled rice hangtud tulo ka bulan ngadto sa LGUs, government-owned and -controlled corporations kon GOCCs, ug Kadiwa ng Pangulo kon KNP sites sa 33 pesos matag kilo.
Samtang, mo-abot og 2.25 billion pesos ang mawala sa National Food Authority kon NFA.
Tungod ibaligya kini sa mas ubos nga presyo itandi sa pagpalit sa supply.
Itandi sa actual nga presyo sa pagpalit sa NFA niadtong 2024, gibana-bana sa buhatan nga 12 hangtud 15 pesos matag kilo ang mawala.
Nakatakda nga magpagawas ang ahensya og hangtud 150, 000 metric tons sulod sa unom ka bulan nga mag-resulta sa 2.5 billion pesos total losses.
Source: GMA NEWS
Photo Source: MSN
