Usa ka myembro sa PNP, lakip sa namatay sa nahitabong collision sa Washington kagahapong adlawa!

LAKIP sa namatay ang usa ka Filipino Police Col. sa nahitabong air collision sa Washington kagahapong adlawa!
Kini ang gikumpirmar ni Department of Interior and Local Government Secretary Jonvic Remulla.
Samtang, giila ni PNP Public Information Office Acting Chief Police Col. Randulf Tuano ang biktima nga si PNP Supply Management Division Chief Police Col. Pergentino Malabed Jr., nga ana-a sa official travel.
Alang sa pre-delivery inspection sa 2, 675 ka units sa all-purpose vests.
Mibyahe si Malabed, kauban ang non-commissioned officer ug non-uniformed personnel gikan sa Pilipinas paingon sa India niadtong Enero 22.
Mikuha og lima ka vests si Malabed ug milupad sa United States alang sa further testing niadtong Enero 27.
Base sa unofficial report sa Office of the Police Attache in Washington nga mobalik sa Pilipinas si Malabed Pebrero 2 apan nakadesisyon nga mo-travel paingon sa South Carolina aron bisitahon ang igsuon.
Nagpaabot ang PNP og pahisubo sa pamilya sa biktima.

SOURCE: GMA NEWS
Photo: Remate