Motibo sa menor de edad nga midunggab-patay sa 38-anyos nga lalaki sa Lagonglong Misamis Oriental, personal grudges!
PERSONAL grudges ang motibo sa 16-anyos nga midunggab-patay sa usa ka 38-anyos nga lalaki sa Purok 5, Barangay Dampil, Lagonglong, Misamis Oriental!
Biktima giilang si Marchal Dugoan, menyo ug residente sa nasangpit nga lugar.
Base sa inisyal nga imbestigasyon nga giingong gi-akusaran sa biktima ang suspek nga nangawat og binughang kahoy, semana ang milabay.
Rason nga nagdumot ang suspek ug nabuhat ang krimen.
Naka-angkon ang biktima og samad sa dughan ug tiyan.
Nadala sa balay-tambalanan ang biktima apan gideklarar nga dead on arrival.
Matud ni Lagonglong Municipal Police Station Investigator On Case Police Master Sergeant Alvin Galendez nga boluntaryong gitahan sa ginikanan ang suspek ug kasamtangang ana-a sa kustodiya sa WCPD section.
“..ang bata nga matod pa gipanumanginlan ba nga kuno nga nangawat week ago, ang bata siguro oh pasangil sa kawat unya matod sa bata “lugar kay nganong diri ko perminti ako dayun nangawat” mao to nga naay naka solsol sa iyaa o naka plano sila ila tong buhaton mao to nga gihimo gyud to niya kadto nga panghitabo, kay matod pa sa ginikanan ulaw kuno sad kay sa part sa iyaha nga in anon nga libak-libakon. mao to ang bata.
So far matod pa sa witnesses dala na niya daan ang kutsilyo gani nahulog pa gali pag doul na sa area. Naa gyud kay naa man sa posisyon ang kutsilyo wala man siya nagkuha ug lain wala naka panangang ang biktima matod pa sa mga witness kay wa kabantay kay nag storya man sa lain tao unya, matod pa sa witness nga gusto makig storya o nakig storya ang batan’on nya wa man gi bali-bali iya nalang gi sungaban gitulod…”
Lagonglong Municipal Police Station Investigator On Case Police Master Sergeant Alvin Galendez
SOURCE: #19
Photo: ctto
