Magulang gibunalan-patay og kahoy sa manghud!
GIBUNALAN-PATAY og kahoy sa manghud ang kaugalingong magulang sa Purok 1, Barangay Managoc, Malaybalay City Bukidnon!
Ang biktima 54 anyos samtang ang manghud nga suspek 44 anyos ug pulos ulitawo.
Matud ni Malaybalay City Police Station Spokesperson Police Master Sergeant Ken Hanzel Bughaw nga alas 11 sa gabii nagkalalis ang duruha nga nag-resulta sa pagpamunal og kahoy samtang wala ang inahan.
Dili pa matumbok ang gilalisan sa magsuon tungod dili tarong storyahon ang suspek human giingong adunay deperensiya.
Naka-angkon ang biktima og samad o buslot sa tuo nga bahin sa ulo nga nag-resulta sa kamatayon.
Samtang, subay sa laing igsuon sa duruha nga nagkalot og yuta ang suspek gamit ang bara aron ilubong ang igsuon.
Gisultihan sa igsuon nga magkalot lamang samtang nagtawag na kini og police.
Human maabti sa kapolisan ang suspek nga nagkalot, gipa-surrender kini ug mitahan.
Buntag na nadiskobrehan ang biktima nga napuno sa dugo ug gituohang kadlawon namatay.
Gihulatan karon ang plano sa pamilya kung pasakahan og kaso ang igsuon nga mipatay.
“..biktima usa ka lalaki 54 anyos nagkulob siya sa sulod sa ilahang balay nga napuno og dugo ang suspek iyahang igsuon 44 anyos, pag abot sa atong personnel didto ang suspek is naa sa gawas sa ilang balay nagkalot og bangag naggamit og bara matod pa sa igsuon sa katong suspek bali ikatulo nila nga igsuon mulakaw daw tong igsuon nga nagpatay bali nagkalotkalot na siya didtu a kay ila daw’ng ilubong, ana to iyang igsuon nga isa nga sige pagkalot lang diha, mao dayon to nga pag sige niyag kalot nagtawag na siya sa pulis, pag abot sa atong personnel didto na abtan ang suspect nga kamulog kalot ilang istoryahan nga mo surrender og kaluoy sa ginoo ang kining suspek ni surrender siya sa atong personahe. Matud pa sa kagabi nag lalis ni sila magsuon dayong kaganihang buntag na-discover ang patay’ng lawas sa katung igsuon sa ilang balay kay nakita pod sa igsuon lagi, mga bana bana pod sa atong investigator mga kadlawon siya namatay medyo bahobaho naman didto sulod, gibunala ni siya kanang kahoy sa iyahang right side sa iyahang ulo kay naay dako kaayo kanang buslot sa likod sa iyahang ulo..”
Malaybalay City Police Station Spokesperson Police Master Sergeant Ken Hanzel Bughaw
SOURCE: P.I/#27
Photo:Malaybalay Police Station
