Ikaduhang kadaugan sa Dubai International Basketball Championship, nasakmit sa Strong Group Athletics!

NASAKMIT sa Strong Group Athletics ang ikaduhang kadaugan sa Dubai International Basketball Championship!
Gipildi sa koponan ang Al Nasr sa 99-87.
Gitapos sa SGA ang first half sa 50-38 nga bentaha, subling milabaw ang team sa third quarter sa nabiling singko (5) minutos ug disie-siete (17) ka segundos.
Apan, naputol sa Al Nasr ang deficit ngadto sa lima ka puntos, nahimong 77-72 sa nabiling pito (7) ka minutos ug baynte-uno (21) ka segundos sa 4th quarter.
Na-regroup ang SGA ug mihimo og 11-0 run aron mangulo og 16 ka puntos sa nabiling less than 5 minutes ug nakuha ang kadaugan.
Nangulo sa kadaugan si Chris McCollough nga mipabuhagay og 31 puntos, siyam (9) ka rebounds ug tulo (3) ka assists.
Samtang mi-abag silang Mikey Williams ug Dave Ildefonso nga mitala og 16 ug 13 puntos.
Kasamtang 2-0 ang standing sa Strong Group sa nahisgutang tournament.
Gitakdang maka-atbang sa team ang Beirut umaabot Pebrero 2, alang sa ikatulong dula.

SOURCE: GMA NEWS
Photo: ABS-CBN