Show cause letter nga gipadala sa DENR-EMB-10 sa LGU-CDO, gikumpirmar ni City Mayor Rolando Uy Spokesperson Actub!
GIKUMPIRMAR ni City Mayor Rolando “Klarex” Uy Spokesperson Jann Guillmore Actub ang show cause letter nga gipadala sa Department of Environment and Natural Resources Environmental Management Bureau kon DENR-EMB-10 sa lokal nga pangagamhanan sa ciudad!
Kalabot sa landfill facility sa Buracan, Barangay Pagalungan ning ciudad.
Matud ni Actub nga nakabuhat na og tubag ang City Local Environment and Natural Resources Office kon CLENRO sa show cause letter.
“..na-receive na sa atoang Clenro, gipa-receive siya sa City Mayors office unya gi forward nato ang letter didto sa opisina sa atoang Clenro aron pod ma address ang maong nakita nga mga finding sa maong buhatan sa EMB. Kinahanglan man gyud na tubagon nga letter naa nay gibuhat nga tubag o letter ang atoang Engineer Armen Cuenca sa show cause letter nga gipadangat sa ato sa EMB…”
City Mayor Rolando “Klarex” Uy Spokesperson Jann Guillmore Actub
Hisayran, base sa gipadalang show cause letter, migawas sa gipahigayong inspection sa DENR-EMB-10 sa sanitary landfill nga gigamit sa ciudad ang extended area sa Southern portion sa cell 2 sukad niadtong Hunyo 1, 2024.
Atol sa Agosto 7, 2024 nga inspection ilang nasuta nga ang extended portion sa cell 2 nga naglangkob sa approximate area nga 7,000 square meters, wala na-installed sa gi-require nga HDPE Liner.
Gawas niini nagpabilin nga non-operational ang Wasterwater Treatment Facility taliwala nga nakumpleto ug na-commissioned na niadtong Agosto 7, 2024.
Miresulta kini sa uncontrolled discharges sa untreated leachate nga hinungdan sa contamination sa duol nga waterbody partikular sa Buracan Creek ug Iponan river.
Samtang, gihatagan og napulo ka adlaw ang lokal nga pangagamhanan aron makatubag.
SOURCE: SBPSH
Photo: CTTO
