Balahibo ug dugo sa langgam sulod sa makina sa eroplano nga nahagsa sa South Korea milabay’ng bulan, nadiskubre sa investigator!

NAKAKITA ang investigators sa nahagsa nga eroplano sa South Korea og balahibo ug dugo sa langgam sa duha ka makina!
Napalgan ang balahibo sa usa ka makina nga na-recovered sa area nga nahitaboan sa insidente.
Nakita usab sa video footage nga adunay bird strike sa engine.
Hagit sa nagpadayong imbestigasyon ang paghunong sa recording sa duha ka black boxes upat ka minutos sa wala pa ang insidente.
Matud ni former Transport Ministry accident investigator Sim Jai-dong nga makapakurat ang pagkawala sa data ug giingong ang tanang suga lakip back up giputol diin usa kini ka talagsaon nga panghitabo.
Upat ka minutos sa wala pa ang makamatay nga pagkahagsa, usa sa piloto ang nag-report og bird strike ug nag-deklarar og emergency sa wala pa mituyok ug misulay pag-landing sa opposite nga tumoy nga bahin sa runway.
Dumduman nga 179 ka sakay ang patay ug duha ka crew members sa tumoy sa abyon ang naka-survived.

SOURCE: GMA News
Photo: South China Morning Post