Nadakpan nga individual sa gipatumang gun ban sa rehiyon, miabot sa tulo!
TULO na ka individual ang nadakpan sa gipatumang gun ban ug COMELEC checkpoint sa rehiyon sukad niadtong adlaw’ng Domingo!
Human nakuhaan og armas ug ammunition.
Naggikan ang mga nadakpan sa Tagoloan, Villanueva Misamis Oriental ug Panaon Misamis Occidental.
Matud ni Police Regional Office kon PRO-10 Spokesperson Police Major Joann Navarro nga mag-atubang og kaso ang nasangpit nga mga dinakpan tungod sa paglapas sa balaod sa gun ban.
“…sa atong pagpatuman sa atoang COMELEC checkpoints, pag set-up nato sa atoang COMELEC chekcpoint ug pagpatuman nato sa Election gunban, as to our record, monitoring dinhi sa PRO10 aduna na kitay natala nga tulo ka indibidwal nga atoang na-aresto, ang isa niini sa atoang COMELEC checkpoint niadto gyud oras o adlaw sa pagpatuman nato diin ato kining nakuhaan og isa kabuok nga 38 calibre sa pistola nga adunay tulo ka ammunation didto sa Tagoloan Misamis Oriental, January 12 around 10:30pm aduna usab kita naaresto isa ka indibidwal usa kini na civilian nangitag away sa pang publiko nga lugar nagpakita sa iyang armas didto sa Villanueva Misamis Oriental dili kini siya checkpoint resulta kini sa atong Police response, atong na kuhaan kini siya og isa ka homemade nga Uzi nga pistola nga adunay lima kabuok 9mm nga bala sa iyahang posisyon, dayon laing incident nahitabo didto sa Panaon Misamis Occidental ang suspek under the influence of liquor diin nakapabuto kini siya sa iyang armas…”
PRO-10 Spokesperson Police Major Joann Navarro.
SOURCE: SBU
Photo Source: SBU
