58 pesos matag kilo nga Maximum Suggested Retail Price magsugod Enero 20!
MAGSUGOD ang 58 pesos matag kilo nga Maximum Suggested Retail Price kon MSRP Enero 20!
Matud ni Department of Agriculture kon DA Secretary Francisco Tiu Laurel nga tumong sa MSRP nga mabalanse ang paglahutay sa negosyo ug ang kaayohan sa konsumante ug mag-uuma.
Unang ipatuman ang MSRP sa Metro Manila.
Susihon matag bulan ang pagpatuman aron masuta ang factor lakip ang presyo sa humay sa kalibutan.
Nasuta ang presyo human sa makuting konsultasyon sa importers, retailers, rice industry stakeholders, government agencies ug law enforcement bodies.
Una nang gibutyag sa DA ang planong pagpatuman sa MSRP sa imported nga bugas aron matubag ang isyu sa giingong profiteering.
SOURCE: GMA News
Photo Source: INQUIRER
