Mga ambulant vendor nga namaligya daplin sa kadalanan, giingong walay panugot gikan sa CEEBDA!

GIKLARO ni City Economic Enterprises and Business Development Administration kon CEEBDA Manager Sean Molig nga wala nila gitugutan ang mga ambulant vendor nga mamaligya sa daplin sa kalsada!
Gawas lamang sa night market.
Apan sa nakita nila nga sitwasyon, maglisud ang Roads and Traffic Administration kon RTA sa pagkumpiskar.
Gani kulangon ang upat ka dump truck aron sa pagkarga sa makumpiskar nga mga items.
Tungod sa kadaghan nga nagdisplay.
Matud ni Molig nga gikonsiderar na lamang kini sa RTA alayon sa kasaulogan sa holiday season.

“..kami sa Night Market Management Committee wala na sila gitugutan diha sa dalan kay ang ato lang gitugutan sa Night Market Management Committee ang ato ra gyung night market pero so far sa nakita na ‘to sa sitwasyon kung i-implement gyud sa RTA kay RTA mag ang dalan kung i-implement nga mo- confiscate sa mga goods na naa sa kadalanan kulang ra tingali ang upat ka dump truck tingali pero ang kuwan na lang sa RTA mura gipadaplin na lang kaayo para dili lang gid kayo ingon nga kuan kay ang traffic pero wala na nagpasabot na gitugutan na sila pero tungod lagi consideration kung pananglitan i-implement sa night market management ang pag-confiscate ana..”
CEEBDA Manager Sean Molig

SOURCE: SH&V
Photo: Cagayan de Oro City Information Office