Ubay-ubay ka mga lugar sa nasud, nakasinati og pagbaha tungod sa dili maayong panahon!
UBAY-UBAY ka mga lugar sa tibuok nasud ang nakasinati og pagbaha!
Taliwala sa dili maayo nga panahon atol sa holiday season.
Kini ang gibutyag sa Office of Civil Defense kon OCD.
Base sa datos sa OCD ang shear line, intertropical convergence zone kon ITCZ ug low-pressure areas ang hinungdan sa pagbaha sa Calabarzon, Mimaropa, Bicol, Eastern Visayas ug Davao Region sukad niadtong Disyembre 8.
Sa Calabarzon, napulo ka lugar sa Quezon province ang gibaha, nga nakaapekto sa 667 ka tawo o 88 ka pamilya.
Samtang sa Mimaropa, 30 ka lugar ang gibaha sa Oriental Mindoro ug Palawan nga naka-apekto sa 48,598 ka tawo o 10,021 ka pamilya.
Una nang mi-abiso ang PAGASA nga pipila ka lugar sa nasud ang makasinati og pag-ulan tungod sa Northeast Monsoon ug ITCZ.
SOURCE: GMA NEWS
Photo: ABS-CBN
