COA gi-flag ang DepEd tungod sa pagkadelatar sa konstruksyon sa facilities sa mga hilit nga lugar!
GI-FLAG sa Commission on Audit kon COA ang Department of Education kon DepEd!
Tungod sa pagkadelatar sa konstruksyon sa mga pasilidad sa tunghaan sa mga hilit nga lugar.
Nga miresulta sa pakyas nga pagtuman sa katuyoan sa Last Mile Schools Program kon LMSP.
Base sa 2023 annual audit report, nakita sa state auditors nga 76 sa 98 ka pasilidad nga balor 1.4 billion pesos ang wala pa nakumpleto dul-ag duha ka tuig ang milabay.
Taliwala nga nakabayad na sa mobilization fees.
Gipamugos sa COA nga maka-alarma ang gibuhat sa DepEd.
Hisayran, nga naglangkob ang LMSP sa 2021 nga pondo sa buhatan lakip ang contractors sa upat ka luna nga adunay 98 ka sites ug 340 ka classrooms.
SOURCE: ABS-CBN NEWS
Photo: Google
