Governance scoreboard, dili angay’ng limitado sa botohan ug survey, sigun sa Malacañang!

GIPUNTO sa Malacañang nga dili angay’ng limitado ang governance scorecard sa mga botohan o survey!
Taliwala kini sa Pulse Asia survey nga nag-indikar miubos ang approval rating ni President Ferdinand Marcos Jr., sa 48 porsyento itandi sa 50 porsyento nga natala niadtong Setyembre.
Miubos usab og tulo ka puntos ang trust rating sa Presidente itandi sa milabay’ng survey.
Matud ni Executive Secretary Lucas Bersamin nga girespeto nila ang opinion sa kadaghanan apan dili igong basehan ang botohan ug survey sa governance scorecard.
Gipamugos sa opisyal nga ang pagkonsiderar sa survey isip sole indicator sa pagdumala, nagsilbi kini’ng pamaagi aron makuha ang focus gikan sa mga mahinungdanong metrics sama sa employment.

SOURCE: GMA NEWS
Photo: museums.gov.ph