Mass grave gawas sa Damascus, gilangkuban sa 100, 000 ka lawas sa tawo!
GILANGKUBAN sa 100, 000 ka lawas sa tawo ang mass grave gawas sa Damascus!
Nga giingong gipatay sa gipalagpot nga kanhi Presidente nga si Bashar al-Assad.
Kini ang gibutyag sa nangulo sa US based Syrian advocacy organization.
Matud ni Syrian Emergency Task Force Head Mouaz Moustafa nga ang site sa Qutayfah, 25 miles kon 40 km sa Norte sa Syrian capital ang usa sa lima ka mass graves nga iyang nailhan sa nanglabay nga katuigan.
Sigurado kini nga daghan pa mass graves gawas sa lima ka sites kauban ang biktima sa Syrians lakip US ug British citizens ug ubang langyaw.
Gibana-banang gatusan sa liboan ka Syrians ang namatay sukad 2011 human gipatuman ang pagpugong sa protesta batok sa balaod nga misangpot sa full-scale civil war.
Una nang gi-akusaran sa Syrians si Assad ug amahan niini sa halapad nga extrajudicial killings, mass executions sa notorious prison system.
Balik-balik nga gihimakak ni Assad nga nakalapas sa human rights violation ang gobyerno niini.
SOURCE: Reuters
Photo: Al Jazeera
