Motorsiklista nga mibangga sa gutter sa dalan sa El Salvador City, milagpot-patay!

MILAGPOT-PATAY ang motorsiklista nga aksidente’ng nadisgrasya sa Zone 3, Barangay Poblacion, El Salvador City, Misamis Oriental!
Ang biktima, 28 anyos, menyo, taga Zone 2, Brgy. Sinaloc sa susamang ciudad.
Matud ni El Salvador City Police Office Investigator on Case Police Staff Sargent Bryan Guiquinto nga papauli ang biktima sa ilang panimalay sakay sa motorsiklo human nananghid sa ginikanan nga magdula og basketball.
Apan pag-abot sa nahitaboan sa insidente, nag zig-zag ang dagan sa motorsiklista ug naka-paingon sa pikas nga dalan.
Human nakatabok, nabangga ang atubangan nga ligid sa gutter hinungdan nga nalagpot og mi-dive.
Milagom ang dughan sa biktima nga maoy gituohan nga rason sa kamatayon human sa aksidente.
Nadala ang motorsiklista sa lying in sa maong ciudad.
Una nang gituohan nga hubog ang biktima.

“..na may witness didto nakakita na notice niya nga nakainom kay ang motor nga kamulong dagan is ga zigzag-zigzag na, pagzigzag-zigzag nipadulong siya sa opposite nga linya sa Barangay Poblacion sa zone 3. So pagkatabok niya sa pikas linya na bangga ang iyang pangunahan nga ligid hinungdan nga nalagpot siya sa iyang motor kumbaga na stop ang iyang motor kay nakabangga man ug gutter, siya ang nalabay. Pagkalabay ang resulta ni dive siya una mao tong ang dughan niya maoy naka cause siguro sa iyang kamatayon kay lagom man iyang dughan man gyud. wala man siyay laing injury kato namang abaga..”
El Salvador City Police Office Investigator on Case Police Staff Sargent Bryan Guiquinto

SOURCE: P.I#27
Photo:ESCPO