Indian National nga nagmaneho og L300 van nabangga sa katagbo nga elf sa Solana, Jasaan Misamis Oriental, dead on arrival!
DEAD on arrival sa hospital ang usa ka Indian National!
Human nabangga ang gimanehong L300 van sa katagbo nga elf sa Solana, Jasaan, Misamis Oriental alas 6 kapin kon kulang kaganihang buntag.
Naila ang biktima nga si Khush Preet Sidhu, 31 anyos taga Butuan City.
Matud ni Jasaan Municipal Police Station Assistant Investigator Patrolman Reynan Bodiongan nga posible’ng nakatulog ang biktima samtang nagmaneho paingon og Cagayan de Oro gikan og Butuan City.
Hinungdan nga pag-abot sa nahitaboan sa insidente mibangga sa katagbo nga elf taliwala nga milikay ang driver human namatikdan nga nag-liko-liko ang dagan sa L300 van nga nagkarga og dry goods.
Una nang namatikdan sa pipila ka motorista nga nag “sway-sway” ang dagan sa sakyanan.
Naka-angkon ang biktima og dako nga samad sa wala nga tiil, bali ang tuo nga batiis ug samad sa ulo.
Samtang, wala’y naangkong samad ang driver ug helper sa elf.
Kasamtangang gi-hold ang driver sa elf ug gihulatan pa ang kabanay sa biktima.
“…posible nakatulog ang driver sa L300 kay gikan man siya sa Butuan City kay taga Butuan man ang driver tapos going siya sa Cagayan de Oro City tapos ang mga nagsunod sa iyang mga motorista sige na daw ‘salbatuan siya kay mo gikan pa daw sa sentro sa Jasaan sige na siya sway-sway sa dalan pag abot niya sa Solana ang katong elf nga iyang katagbo nakabantay na, nga nagsway lagi siya tapos naa na siya sa Pikas Lane so ang elf minor siya tapos minaog siya sa outer lane so para makalikay unta niadto paman sa iya ang L300 kay opposite lane man siya, gikan man og Villanueva ang elf paingon sa Balingasag, imbis nilikay na siya niadto paman L300 so nabanggaan siya sa L300 sa left side portion gikan sa driver side nga portahan, tibok na dayun left, nabangga pod sa L300 ang na damage sa driver side nga atubangan tapos lahus sa iyang kilid. Gi tawagan ang rescue gikuha siya sa rescue mo gi bira ang manobela kay naipit man siya, wala ra man naunsa ang driver, helper sa elf katong sa L300 gidala sa ospital sa Jasaan rescue sa Jasaan community hospital tapos gi declare sa doctor nga dead on arrival..”
Jasaan Municipal Police Station Assistant Investigator Patrolman Reynan Bodiongan
SOURCE: #27
Photo:Ken Delevingne
