Tungod sa internet wire, mag-ig-agaw mipasok patay sa prime mover sa Barangay Sinai, Laguindingan Misamis Oriental!
MIPASOK-PATAY sa ilawom sa prime mover ang mag-ig-agaw nga sakay sa motorsiklo sa Barangay Sinai, Laguindingan, Misamis Oriental!
Naila ang driver sa motor nga si Jenny Ingkoy, 18 anyos ug ang angkas 11 anyos taga Barangay Sinai Laguindingan samtang driver sa prime mover naila nga si Bogart Upaon Blanco, 41 anyos, menyo, taga Poblacion El Salvador City.
Matud ni Laguindingan Police Station Investigator Police Staff Sergeant Jun Rey Caamiño nga susama ang direction sa motorsiklo ug prime mover nga naglatas Iligan paingon CDO apan pag-abot sa nahitaboan sa insidente misangit ang motorsiklo sa wire sa internet ug sa ilang pagkatumba mipasok sa prime mover.
Nabangil sa ilawom sa prime mover ang mga biktima.
Naka-angkon kini sa samad sa nagkadaiyang parte sa lawas.
Una niini giingong misulay pag overtake ang motorsiklo.
“…kaning maong Prime Mover ug kaning maong motorsiklo pareho silang direksyon Illigan – Cagayan de Oro City, pag abot nila sa lugar nga nahitabuan sa aksidente ang kaning motor ni aksyon og overtake sa prime mover, ni overtake ni siya nag agi kini sa outer lane unya ang prime mover nag agi sa motor lane pagabot sa aksident area nasabod kining maong motor sa internet wire, hangtud karon kamulo pamig locate kung kinsay tag-iya aning internet wire ug sa dihang pagka tumba nila didto sila napaingon napasok sila didto sa ilalom sa prime mover ang driver ug ang back-rider…”
Laguindingan Police Station Investigator Police Staff Sergeant Jun Rey Caamiño.
Matud ni Bogart Upaon Blanco, driver sa prime mover nga hinay lamang ang pagpadagan niini tungod subedahon ang dalan.
Kalit lamang mihunong ang gimanehong sakyanan human nabangil ang mga biktima.
Nangayo kini og pasaylo sa kabanay tungod sa nahitabong aksidente.
“…kanang dalana diha hinay ra gyud imung dagan diha kay subida mana unya nikalit raman dayon og hunong ang truck unya nabangil na sila, ang estorya sa uban naigo daw sila sa wire maong napaingon sila sa ako…”
Bogart Upaon Blanco, driver sa prime mover.
SOURCE: SR LIVE
Photo Source: SRLIVE
