Duha ka sekyu nga gipusil sa Mohon Tagoloan Misamis Oriental, usa survivor ug usa patay!
PATAY ang usa sa duha ka sekyu nga gipusil sa riding in tandem sa Zone 2, Barangay Mohon, Tagoloan, Misamis Oriental kaganihang buntag!
Naila ang biktimang namatay nga si Franklin Salon, hingkod ang panuigon taga Dayawan, Villanueva Misamis Oriental samtang ang survivor naila nga si Roberto Galagnao, driver sa motor.
Matud ni Barangay Mohon Kagawad Allan Daelo nga papauli ang mga biktima gikan nagduty sa condo ni Jalosjos apan pag-abot sa nahitaboan sa insidente gipamusil kini sa suspek.
“…sigun sa info sa atong Barangay Tanod giabayan siya pauli unya gipusil, silang duha puros security guard ang buhi tua sa hospital karon, kung wala ko masayop mga alas 6…”
Tagoloan Barangay Mohon Kagawad Allan Daelo.
Naka-angkon sa tulo ka samad-pinusilan ang biktimang namatay.
Samtang ang survivor nakaangkon og samad sa li-og.
Matud ni Tagoloan Municipal Police Station Chief Police Major Renz Serrano nga usa sa ilang gilantaw nga motibo ug person of interest ang nakabangi sa biktima diin nadunggaban kini kaniadto tungod nasapon niini ang giingong pagpangawat sulod sa property nga gibantayan.
Nag-resulta pa kini sa pagpasaka og kaso sa biktima.
Calibre 45 sa armas ang gigamit sa suspek.
“…isa yun sa tinitignan namin na motibo, last July 7, 2024 by the time nag file ng kaso don sa person of interest natin, actually last Teusday nagkaroon sila ng hearing doon sa court base sa information na nakuha natin, base sa driver sabi nya na sinundan sila galing dun sa area kung saan sila nagtatrabaho…”
Tagoloan Municipal Police Station Chief POLICE MAJOR RENZ SERRANO.
SOURCE: #16
Photo Source: SRLIVE
