NBA Four-time All-Star forward Paul Millsap official nang miretiro sa basketball!

OFFICIAL nang miretiro si NBA Four-time All-Star forward Paul Millsap sa basketball human sa 16 ka tuig nga career!
Nakuha ni Millsap ang tanan niining All-Star appearances sa Atlanta Hawks sugod niadtong 2013 hangtod 2017 ug nahimong loyal sa Utah Jazz sugod 2006 hangtod 2013.
Nag-average ang basketbolista og 13.4 points, 7.1 rebounds ug 2.2 assists sulod sa 1,085 ka regular season games, nga adunay kinatibuk-ang 1,327 steals, 1,045 blocked shots ug 541 3 pointers.
Dumduman nga second-round pick ug ika-47 sa kinatibuk-an si Millsap sa Utah niadtong 2006 NBA draft.
Mibiya kini sa Utah isip free agent ug mipirma sa Atlanta niadtong 2013.
Nakadula usab kini sa Denver sulod sa upat ka season, Brooklyn Nets ug Philadelphia.

SOURCE: GMA NEWS
Photo Source: SPORTS ILLUSTRATED