Lalaki, nakuryentehan-patay sa Brgy. Canitoan ning ciudad!
NAKURYENTEHAN-PATAY ang usa ka lalaki sa Calanaan, Brgy. Canitoan ning ciudad karung buntag!
Human kini nangisda gamit ang kuryente sa sapa sa nahisgutang lugar.
Ang biktima 61 anyos, giilang si Albert Jumalon.
Matud ni Police Station 7 Buluan Investigator on case Police Senior Master Sgt. Roldan Sayatao nga naka-kulob na ang biktima dihang nakita sa sapa.
Giabisohan usab nila ang pamilya nga i-autopsy ang lawas sa biktima.
“..among advice sa mga pamilya nga ipa-autopsy ang iyang patay nga lawas para mahibal-an unsa iyang gikamatyan. Base sa tanod nga na-tuhod siya kay nakulob man siya pagkatumba niya nahulom ang iyang tibook nga dagway kita man namo basa ni kay diri sa iyang atubangan katu iya gidala battery man to sa motor wala na siya kabangon unya tubig baya to siguro wala siya ka-recover pagbangon medyo siguro na kuan siya kay nakulob man siya ok ra siguro nahayang siya makaginhawa man siya unya tigulang na pod..”
Police Station 7 Buluan Investigator on case Police Senior Master Sgt. Roldan Sayatao
Published by Jam Saba
