Utang sa gobyerno sa Pilipinas sa katapusan sa Oktobre, mihapak na sa 16 trillion pesos!

MI-HAPAK na sa 16 trillion pesos ang utang sa gobyerno sa Pilipinas sa katapusan sa Oktobre!
Epekto kini sa pag-ubos sa kantidad sa peso batok dolyar sa Amerika.
Nagpakita ang datus sa Bureau of the Treasury kon BTr nga 16. 020 trillion pesos ang total outstanding debt.
Punto 8 porsyento o 126.95 billion pesos nga mas taas itandi sa 15.893 trillion pesos nga balanse sa katapusan sa Setyembre.
Dyes punto sais (10.6) porsyento o 1.539 trillion pesos nga mas taas itandi sa 14.480 trillion pesos sa katapusan sa Oktobre 2023.
Samtang ang domestic debt anaa sa 10.889 trillion pesos sa katapusan sa Oktobre ug ang external debt anaa sa 5.130 trillion pesos, misaka og 3.5 percent o 173.37 billion pesos gikan sa mi-aging bulan.

SOURCE: GMA News
Photo Source: ASIA NEWS NETWORK