Opisina sa Presidente walay kalambigitan sa impeachment complaint batok VP Duterte, sigon ni Executive Secretary Bersamin!

WALAY kalambigitan ang opisina sa Presidente sa impeachment complaint nga gipasaka batok Vice President Sara Duterte!
Kini ang gibutyag ni Executive Secretary Lucas Bersamin human nangayo og komento sa Malacañang ang pipila ka reporters sa kaulohan kalabot sa impeachment complaint batok Duterte nga gi-endorso ni Akbayan Party-list Representative Perci Cendaña.
Matud ni Bersamin nga ang impeachment complaint nga giduso ngadto sa House of Representatives klaro nga kaugalingong inisyatiba sa mga nag-reklamo ug ang pag-endorso katungod sa bisan kinsa nga myembro sa House of Representatives.
Gidugang niini nga klaro ang una nang nahimong pamahayag ni President Ferdinand Marcos Jr.
Dumduman nga bisan sa dayag nga panagbingkil sa duha ka dagkong lideres sa nasud, dili suportado ni Marcos ang bisan unsang plano nga impeachment batok Duterte.

SOURCE: GMA News
Photo Source: INQUIRER