Pondo alang sa pagbutang og dugang security guards sa MOGCHS, pangayoon sa DepEd-Misamis Oriental sa lokal nga pangagamhanan sa ciudad!

MANGAYO’G tabang ang Department of Education kon DepEd-Misamis Oriental sa lokal nga pangagamhanan sa ciudad!
Alang sa dugang security guards sa Misamis Oriental General Comprehensive Highs School kon MOGCHS tungod limitado ang pondo sa kagamhanang probinsyal sa Misamis Oriental.
Matud ni Misamis Oriental Board Member Gerardo “Boboy” Sabal nga sa kadako sa campus nanginahanglan kini og dugang security guards aron masiguro ang kaluwasan sa mga bata ug masugpo ang giingong naghitak nga illegal nga druga sulod sa tunghaan.

“..sa kakulangon sa campus guards tungol sa kalimitado sa pondo Misamis Oriental General Comprehensive High School ang kana nga campus kung wala masayop 3 ektaryas ug pipila ka 4-storey building ang naa sa sunod niana, dili malukop sa campus guards pag roving ilabi na sa paghuman sa eskuwela sa hapon so mao kana na naghangyo sila nga dili lamang sa lalawigan sa Misamis Oriental sila makahangyo ilang kaplano ang Department of Education nga lakipon unta nila’g hangyo ang dakbayan sa Cagayan de Oro kay sa rason na 98 porsiyento sa mga estudyante nag-eskuwela diha taga dakbayan sa Cagayan de Oro…”
Misamis Oriental Board Member Gerardo “Boboy” Sabal

Samtang, giinsister ni Committee on Education Chair Councilor Suzette Magtajas-Daba nga dili mahimong maggahin og pondo ang lokal nga pangagamhanan sa ciudad alang sa MOGCHS tungod posible’ng makasohan sila og technical malversation of public funds ilabina nga adunay nakagahin nga pondo alang sa nahisgutang tunghaan.

“…Otherwise, maigo og technical malversation of public funds kay kana siya naa nana siyay special allocation, enumerated lang ang mga pwedeng nimong magamit ana nga pondo, which is para ra gyud sa Division of Cagayan de Oro City…”
Committee on Education Chair Councilor Suzette Magtajas-Daba

SOURCE: SBPSH
Photo: Marketmind Local