Lawas sa usa ka senior citizen, napalgang nag-utaw-utaw sa suba sa Barangay Iponan ning ciudad!
NAPALGANG nag-utaw-utaw ang patay’ng lawas sa usa ka senior citizen nga gituohang nalumos sa suba sa Zone 5, Camansi Barangay Iponan ning ciudad!
Biktima giilang si Clarita Resmeros Repuno, 74-anyos, widow ug residente sa Block 18 Lot 17 Scions Phase 2 Subdivision, Barangay Canitoan ning ciudad.
Matud sa anak sa biktima nga si Esther Jane Repuno nga missing ang inahan sukad niadtong Nobyembre 22 ug ulahing nakita duol sa suba nga nanguha og dahon sa saging alang sa himuong suman.
Nagtuo kini nga wala’y foul play sa kamatayon sa inahan.
Hisayran nga ana-a na sa state of decomposition ang lawas sa biktima.
“…Kami limpyo man gyud mig huna-huna kay kana siya walay kaaway ba lagi kanang giisip niya nga anak ug mga apo ang halos tibuok barangay sa Canitoan labaw na diri sa Scions dapit kay taga diha man mi, wala mi gi huna huna nga lain amo gikuan basin naglaag ra o naay gilaagan ing ana, mao to amo ra siyang pangita wala pod mi nagtuo nga naay maka-report sa amoa nga nakita lagi siya, wala man pod ingon nga wala nay kinabuhi pero niana man naa sa suba mao to nga nagdali dali kog anha sa gawas sa blooming sa may suba, na-confirm namo sa suot pa lang niya, gapamaligya mana siya og pan ug itlog diri sa Canitoan tuyok-tuyok ra na siya puwede nga nanguha siya dahon sa saging, amo pong mga panghuna huna pwede pod na nga naligyas siguro o klung mao may hinungdan nga nalumos siya…”
Esther Jane Repuno, ang anak sa biktima nga nalumos-patay
SOURCE: #16
Photo: SR FIles
