Biden, motambong sa inagurasyon ni Trump Enero sunod tuig!

MOTAMBONG silang US President Joe Biden ug First lady Jill Biden sa inagurasyon ni President-elect Donald Trump karung Enero sunod tuig!
Matud ni White House Senior Deputy Press Secretary Andrew Bates nga misaad si Biden nga motambong sa inagurasyon bisan kinsa ang modaug pagka-presidente.
Gidugang ni Bates nga gilantaw kini ni Biden nga importanteng demonstrasyon sa commitment sa democratic values ug pag-pasidungog sa kabubut-on sa katawhan.
Dumdoman nga niadtong 2021, wala mitambong si Trump sa inagurasyon ni Biden tungod sa pagtuo nga gitikasan kini sa kaatbang human napilde sa piliay.

SOURCE: GMA NEWS
Photo: New York Post