Panagbangga, tali duha ka sakyanan sa Barra, Opol, Misamis Oriental, upat samaran ug usa patay!
PATAY ang usa ka senior citizen ug laing upat samaran sa nahitabo’ng panagbangga sa duha ka sakyanan sa Barra, Opol, Misamis Oriental!
Biktima giilang si Emilyn Pagaling, 77-anyos ug residente sa Malaybalay City.
Base sa inisyal nga imbestigasyon managlahi ang direksyon sa duha ka sakyanan, paingon ang vehicle 1 sa Malaybalay City samtang ang vehicle 2 paingon sa Laguindingan airport.
Apan pag-abot sa diversion road sa traffic light sa Barra, mibangga ang vehicle 2 sa vehicle 1 hinungdan nga naligid kini.
Matud ni Opol Municipal Police Station Investigator On-Case Daryl Cariliman nga dead on the spot ang biktima samtang padayong nagpa-alim ang mga kauban niini sa balay-tambalanan.
Kasamtangang, na-detinar sa Opol Police Station ang driver sa Vehicle 2, nga posible’ng mag-atubang sa reckless imprudence resulting to homicide and damage of property.
Gidugang sa opisyal nga base sa pamahayag sa driver sa Vehicle 2 bag-ohay lamang kini naka-agi sa nasangpit nga dalan hinungdan wala kini nasayod nga intersection ang maong lugar.
“…initial investigation ang vehicle 1 Ford expedition gikan sa Laguindingan padulong unta sa Malaybalay, while ang Vehicle 2 ang Ford Everest gikan sulod sa Barra tabok padulong sa Laguindingan pag-approach nila sa place of incident didto sa diversion Road sa may traffic light sa barra, vehicle 2 iyang nabanggaan ang Vehicle 2 tapos naligid ang Vehicle 1 na resulta dayon sa dead on the spot katong isa ka passenger, tapos naay upat dayon ka samaran. Ang drayber ang suspek na dinhi sa among station under custody siya sa among station, ang posible nga makaso sa iya is reckless imprudence resulting to homicide, multiple serious physical injury ug damage property. Base sa iyang statement bag o siya kaagi atong dalana mao tong nga wala siya ka kuan nga intersection diay to, kusog-kusug iyang padagan mao tong wala na siya ka kuan naigo niya ang vehicle 1…”
Opol Municipal Police Station Investigator On-Case Daryl Cariliman
SOURCE: #16
Photo: SR Files
