Suspek sa mitigbas-patay sa usa ka mag-uuma sa Manticao, Misamis Oriental, padayong gipangita sa Kapulisan!
PADAYON pa’ng gipangita sa Manticao Municipal Police Station ang suspek nga mitigbas-patay sa usa ka mag-uuma sa Purok 5 Punta Silum, Manticao, Misamis Oriental!
Biktima giilang si Raul Calingao, 61-anyos, ug residente sa nasangpit nga lugar samtang giila ang suspek nga si Norbe Bahian.
Base sa inisyal nga imbestigasyon nga dugay nang adunay panagbingkil ang duruha nga nag-ugat sa marble gun human giingong nasuko ang biktima tungod sa pagpabuto sa suspek.
Matud ni Manticao Municipal Police Station Investigator On-Case Police Chief Master Sergeant Michael Macalaguing nga sa nakuha nila nga impormasyon giingong gipabuthan sa biktima ang suspek og marble gun hinungdan nga gitigbas niini ang biktima gamit ang sanggot.
Naka-angkon ang biktima og samad sa wala (left) nga abaga hinungdan sa hinanaling kamatayon, gidala kini sa balay-tambalanan apan gideklarar nga dead on arrival.
“…usa ra ka samad sa iyang left nga shoulder, matud sa istorya sa asawa taas-taas na ang ilang personal grudge sige lang silag away atong sunod-sunod na ang ilang away-away, sunod-sunod nga adlaw, ang reklamo permiro nasuko daw ang namatay kay magpabuto kuno og marble gun ang suspek moa tong nabiklan, ang biktima ga dala’g marble gun, sa among nakita didto posible iyang nabuthan nasuko siguro nasuko sa iya mao tong gitigbas. Sa pagkakaroon kamulo pag pangita sa suspek kay pag human sa hitabo nilayas man gyud sila..”
Manticao Municipal Police Station Investigator On-Case Police Chief Master Sergeant Michael Macalaguing
SOURCE: SBSG
Photo: Manticao MPS
