Taas nga singil ug kanunay’ng pagkawala sa kuryente, gipasabot sa MORESCO-2!
GIPASABOT sa Misamis Oriental Electrical Cooperative Incorporated kon MORESCO 2 ang rason nganong taas ang mabayran sa ilang konsyumante taliwala nga gamay lamang ilang gigamit nga mga appliances ug ang kanunay nga pagkawala sa kuryente!
Matud ni Misamis Oriental Board Member Boboy Sabal nga gipasabot sa buhatan nga vegetation ug upgrading of old electrical lines ang hinungdan sa pagkawala sa kuryente.
Gibutyag usab sa buhatan nga aduna sila’y problema sa ilang mga meter reader.
“…natubag lagi sila, ang mga rason sa kanang frequent brownouts, vegetation ug upgrading of old electrical lines mao ng mga rason sa uban kining collection kay sa giingon ni board member Rey Buhisan naa siyay mga kauban tagalungsod sa Magsaysay, usually ilang mga bills sa one or two hundred pesos nakurat na lang sila na hag as nahimong saisyenta otsyenta mil naa gani uban nga tag hundred thousand. So eksplikar sa general manager sa MORESCO-2 na accumulated na diay siya na mga balayronon so amo giklaro nga niabot niana kay naa silay problema sa ilang mga meter readers na nakita nila na dili man actual ga-aadto didto para sa meter reading. so butang-butang lang kay manual man ang ilang reading so mao tong gi inform mi sa general manager sa MORESCO-2 nga ila natong gi imbestigaran kung gani naa silay ipapahawa nga mga meter readers kay kato mao lagi na dili mao ang pagbasa o dili sad mao ang nahimong charging sa bill sa atong mga konsumidor ng mga kaigsonan…”
Misamis Oriental Board Member Boboy Sabal
SOURCE: #10
Photo: D&F Liquidators
